巴黎初冬 一衝動就GG了 2015巴黎冬天遊光速成團

連續一個星期$22機票都引我唔到，估唔到栽在自己Asiamiles手裡。

話說Asiamiles 正在Promotion，八折換機票，只限巴黎和蘇黎世。8折!!!!有里數下年到期的我，一早就爭扎幾時換那裡的機票才好。

突然的八折，本來六萬里才去到的巴黎，依家48000就去到啦，好吸引，換兩人機票，足足慳24000里，幾乎可以再去多一次北海道。

我還有六萬九里下年就到期，依家唔換，下年都要換，依家換左去埋，下年就唔使諗咁多啦..................

巴黎很久以前就想去，不過，舊年才去完維也納布拉格，連遊記都未寫，又去多一次歐洲，太奢侈.................

十二月巴黎天氣太凍，日照太短...............

換唔換同去唔去，我掙扎了兩天，最後，眼見48000里的機票只剩下28/11-7/12，忽然下定決心，星期一一回到公司，成功請假，Action!!

這樣，就將我之前一切計劃和諾言都打破，世上最毒還是銷費主義，為了便宜了的24000里，脫貧無望，上車無望，我的儲錢大計又泡湯了。

只得3個星期Plan 行程，趕得切???