睇樓事件簿 終於大結局

香港人，人生必經問題應該係土地問題，有父幹的例外。由我準備結婚開始，不計租盤，大大話話看了60個盤，要不是業主收樓，我應該會一直睇樓睇下去，睇樓事件簿可以大結局，最開心應該是P先生，因為終於唔使再睇樓了，睇樓真係好攰好Side時間。

老實說這不是我最喜歡的單位，要不是因為業主收樓，迫於無奈直接上車，我會一直睇樓睇下去，我心目中上車的時間應該是今年年尾。如果依家重新租一間屋，再立一張租約，淨租金已經十萬，最弊我本身無傢私電器，再買一套的話，又是一個天文數字。

最後幾經轉折下，終於遇到這個單位，考慮左半日，雖然有租客住緊，不能睇樓，不過因為附合我所有條件，所以無樓睇我都決定了。


其實，60個盤裡，大概得3-4個附合標準又啱Feel 的，說我是睇樓王都當之無愧，P先生一早都投降，我爸又說我要求太高。當我決定買樓，P先生第一個說贊成，我爸還吹我趕快落票。哈哈哈。

我有時問自己，係咪自己要求太高，不過一諗到幾百萬的事情，如果買一層自己都不喜歡的，隨時會後悔一世，就不斷繼續睇樓。

我又常常問阿媽，當年買樓佢睇左兩個就買左。噢，點解我睇成5X個都未買到....................

買樓真係好煩好複雜，不過，我終於唔使再交租，不過要開始上車做樓奴了。