收樓之後，第一件事，就係搵人報價。裝修師傅我一早已經有心水，就是一年替娘家的裝修師傅，生不如熟，雖然這個師傅不算得100分，不過與其搵一個三唔識的師傅，倒不如，搵一個熟手。最重要，娘家裝修時，搵到不同師傅打價，呢個師傅最平，而且水電手工好。
今次到我再搵人裝修相信結果也不會差太遠，所以一開始就搵黃師傅打價了。
由於上手是租客住的，超殘，基本上，諗唔到有咩可以留低繼續用。所以一開始已經決定全爆，連煤氣喉都會拆埋，一早決定用電磁爐同電熱水爐，煤氣費太貴，煤氣煮食爐和熱水爐更更更貴，而且無限時沖涼，浪費食水，用電熱水爐可以慳埋水費，所以一開始已經決定放棄煤氣。師傅建議浴室門同馬桶移位，多一幅大牆做鏡櫃同浴手盤櫃，好提議。最後決定鐵閘、窗同窗台雲石留低，其他繼續爆。
Day -4 (15/6/2016):
決定裝修，落定。到管理處拎裝修紙，我重懶醒拎埋支票，以為天真拎完FORM，可以即填交FORM交支票，誰知原來管理處要DEPOSIT支票一萬元，(食水有冇深啲呀)，還要裝修工程的保險副本，還要三個工作天前申請，噢。裝修啫，有冇咁複雜呀，原本已經遲落裝修訂的我，結果要更遲開工，噢咾。
Day -1 (18/6/2016):
約煤氣公司拆煤氣錶，P先生一早去新屋等煤氣公司拆煤氣錶。拆完煤氣錶，我上去睇下拆成點啦，原來煤氣公司拆錶唔拆喉，噢，即刻叫P先生再call 煤氣公司拆喉，煤氣公司要先報價後拆喉，要等星期一報價了。
Day 1 (20/6/2016):
終於到正式裝修的開工日子，師傅講左半日連厠所牆都會拆好，一早打電話和師傅夾拆煤氣的時間，誰知師傅就送上第一個壞消息，鐵閘太舊，拆左裝唔返，要配新閘。
煤氣公司拆喉的報價都有鳥，拆喉 $1860，搭棚 $2500，拆一條報廢的喉要$4360，為左一條唔要嘅喉比四千幾蚊。噢咾，噢咾。
唉，難怪啲人話裝修Budget一定鬆啲，只是第一日，我就已經要加錢鳥。噢咾。
Day 3 (22/6/2016):
煤氣師傅都未見過，棚架又未見過，已經搭左又拆左，煤氣喉又無聲無息地拆左。不過算鳥，我都不花心機在為了一條報廢的煤氣喉了。
Day 4 (23/6/2016):
這幾天，每天放工都在看新屋裝修，看的是師傅整的電制位，萬一錯位可以即刻返手再整，到裝修好才發現就太遲了。不過師傅的手工實在好，電制電線都是一早劃好位再打坑。難怪阿媽說師傅的電位不會錯。
Day 5 (24/6/2016):
電管電制位已經舖好。第一關完成了。
Day 6 (25/6/2016)
厠所舖水管中。
Day 9 (28/6/2016)
今天大爆走，師傅實在非常勤力，進度更加好，廚房水喉電位都舖好，廚房搞掂兼舖好水泥，厠所地台正在舖防水中。等水泥乾後，就可以開始舖磚，又過一關。
Day 13 (2/7/2016)
今天超忙，趁Aeon吉日買定電磁爐，款式一早選定好，就阿媽同阿E都用的威瑪。Sales EE連價都不用講，就給了折實價，用埋免息分期的Coupon，剛好是新低的三字頭，Good deal!!!
師傅說已經開始舖磚，叫我們上去看看。上到去見到廚牆磚已經開始舖，所有磚都送到屋裡，又開始下一關了。
 |
| 大愛扮雲石磁磚，效果太好，早知浴室都用埋呢款 |
Day 16 (5/7/2016)
繼續放工到新屋視察，廚房牆、厠所牆磚都舖好，效果比我想像的好，之還擔心顏色望去有點舊。
Day 18 (7/72016)
還以為會開始舖地磚，誰知進度好像依舊，不過已經開始掃牆灰，原來牆磚還未乾。
Day 23 (12/7/2016)
又到星期二，繼續視察，開始舖地磚了，廚房地磚已經舖好，厠所企缸位也搞掂，洗手盤石屎枱都做好了。
Day 24 (13/7/2016)
進度快到不可思異，琴日厠所地磚還未舖好，師傅今日已經同阿媽講，所有地磚舖好了，今日星期日之前都不可以入屋。終於可以抖抖，不用看裝修。
趁著Amazon prime day, 終於入手了濾水器，足足平香港的一半。
Day 28 (17/7/2016)
等了四天，終於可以入屋，地磚效果不錯，非常好。是我想要感覺，又過一關。
同時，壞消息出現了，廚房門做錯左，本來只要門框，不要門，現在連門一起做好，今次真係頭痛，我無想像過廚房問有門，無情情比多度門，又要預有門，只有框的話，又有門鉸的鑽孔，頭痛。
傢私師傅可以入屋度尺，這天淨係度尺都足足搞了兩個鐘。
還有傢私師傅，他說剛剛做完手術，傢私應該要Delay了，九月應該趕不及入伙了。
 |
| 忍不住揭起膠通，完全是我想要的效果，Good |
Day 32 (21/7/2016)
今天，剛好裝修了一個月。
在淘寶買了窗簾，餐枱和長櫈，不停洗錢，又興奮又肉痛 /__\。還有冷氣機sss，熱水爐，雪櫃，抽油煙機，都重未買。
連續幾日停工，買到大門鎖之後就可以開始換門了。
Day 33 (22/7/2016)
開始裝門，兩天時間裝好兩對房門和浴室門，大件事，浴室左右調轉左，我右邊洗手盆，門就由右邊開，刷牙洗手，咁咪一定關門先用到洗手盆?! 我暈了。
 |
| 點解對門可以左右掉轉ga?? |
訂了兩個月洗衣機，連新訂的冷氣機一齊送到，師傅幫手收貨，全程不費吹灰之力，搞掂。有朋友真係好，慳返唔少，hehe。
Day 34 (23/7/2016)
Weekend，一口氣買埋熱水爐和其餘兩部要師傅安裝的冷氣機，除了廚房燈之外，剩返的電器應該入伙前才要買，這個月荷包終於可以回一回氣。
Day 36 (25/7/2016)
今天又繼續到新屋檢查，浴室假天花搞掂，還要睇埋厠所門改好未，今次木工師傅的手工要格外留神，連大門門鎖都裝歪。
Day 37 (26/7/2016)
今日輪到P先生入屋檢查，厠所門同大門鎖都改好了，大項目只剩下牆身批燙。要開始買埋廚房燈、潔具、鏡櫃、窗簾給師傅裝了。
Day 41 (30/7/2016)
之前訂的冷氣機、熱水爐安排了今日送貨。所有今日P先生一早到新屋，教協安排認真麻麻，同一個冷氣牌子，兩部唔同型號的冷氣機，可以分開送貨唔同公司，重要唔同時間，最後等到夜晚八點先收齊電器。
Day 43 (1/8/2016)
開始油牆了，進行最後階段。
Day 44 (2/8/2016)
8號風球妮妲走了，P先生就急急上新屋檢查，窗台無漏水，Lucky~
Day 45 (3/8/2016)
浴室的石屎枱做好了。
Day 47 (5/8/2016)
開始裝熱水爐同冷氣了，找開始油牆了
 |
| My Favorite colour: Peach and mint green hehe |
Day 54 (12/8/2016)
浴屏又裝好，浴室洗手盤做好，洗衣機又裝好，鐵閘都裝好，最後大直路，可惜還要等傢私，否則的話，月底就可以入去住了。
Day 55 (13/8/2016)
冷氣機位都改好了，只剩返窗簾、燈、鏡櫃、潔具未裝。等埋傢私入屋，裝修算是完工，準備入伙了。
Day 62 (20/8/2016)
淘寶鏡櫃到了，浴室掛籃都買齊，可以叫師傅埋尾了。
Day 67 (25/8/2016)
師傅終於交返間屋比我，重清潔埋，So good，輪到我找尾數。
今天傢私終於都到，可惜傢私師傅未開工做廚櫃，不然我應該可以入伙了。
 |
| 一屋傢私，不過傢私師傅一日就搞掂好 |
Day 73 (31/8/2015)
終於度好床墊size，可以去訂床墊，原來要等3個星期，還有廚櫃，不知等到何年何月，唉，今次真係有排等，就這段時間專心搬屋清潔買電器鳥。
最後，雖然廚櫃還未完工，還是決定中秋之後正式入伙，我的裝修進程告一段落了。
 |
| 一個月後，我的廚櫃也終於完工了 |
